Абай сөзі – қазақтың бойтұмары.

Абай сөзі – қазақтың бойтұмары. 

       Ақтау қаласындағы №23 жалпы білім беретін орта мектебінде 2018 жылдың қыркүйек айынан бастап ақын, сәулетші, Қазақстанның еңбек сіңірген қайраткері, Махамбет атындағы халықаралық сыйлықтың лауреаты, Маңғыстау облысының Құрметті азаматы, Қазақстан Сәулетшілер Одағының және Қазақстан Жазушылар Одағының мүшесі Сайын Назарбекұлының бастамасымен «Рухани жаңғыру» бағдарламасы аясында республикалық деңгейде құрылған «Абай әлеміне саяxат» танымдық клубының рухани орталығы өз жұмысын бастады.

       Оқушылардың санасына қазақ халқының ұлы ақыны, әдеби тілінің негізін салушы, аудармашы, сазгер, дана, дара тұлға Абай Құнанбаевтың өмірі мен шығармашылығын тереңірек сіңіре отырып, ана тіліміздің тұнығын лайламауға, Ұлы ақын салған сара жолдың сүрлеуінен жаңылмай, туған тіліміз бен әдебиетіміздің қайнарын қанып ішуге тәрбиелеуді көздейтін рухани орталықтың ұйымдастыруымен «Абай сөзі – қазақтың бойтұмары» атты қазақ тілі мен әдебиеті пәндерінің апталығы өткізіліп, апталық толығымен Абай Құнанбайұлының шығармашылығына арналды. Апталықтың ресми ашылуына «Абай әлеміне саяхат» клубының президенті Сайын Назарбекұлы қатысып, сәттілік тіледі.

       Апталықтың жұмыс жоспарына сәйкес, 2,3,4,5,6-сынып оқушылары арасында «Өлең – сөздің патшасы, сөз сарасы» атты Абай өлеңдерін мәнерлеп оқу сайысы және 7,8,9-сынып оқушылары арасында «Абай сөзі – адамгершілік бесігі» атты Абай қарасөздерін мәнерлеп оқу сайысы өткізілді. Мәнерлеп оқу сайыстарына 112 оқушы қатысып, Байрамбай Кәусар, Жетенова Іңкәр, Қабылова Меруерт, Оспанова Айым, Альмир Ержан, Гулиев Эльшан, Бердірахман Арайлым, Базаржан Жанель, Болат Тоғжан, Рақыш Айяна сынды оқушылар жеңімпаз атанды.

     Сонымен қатар, «Ұйықтап жатқан жүректі ән оятар» деген атпен өткізілген Абай әндерін орындаушылар сайысына да мектептің өнерлі оқушылары белсене қатысты. Атап айтқанда, Абай Құнанбаевтың «Желсіз түнде жарық ай», «Көзімнің қарасы», «Сегіз аяқ» әндерін музыкалық аспаптың сүйемелдеуімен және жанды дауыста орындаған оқушылар Абылова Аружан, Шегемов Біржан, Кураисова Эльзара, Борис Кәусар, Сансызбаева Малика, Алмасова Ғалия, Ырзабекқызы Әсемай, Кайлюбаева Жұлдыз және 2 Ғ сынып оқушыларынан құралған хор тобы болашағынан зор үміт күттіретін дарын иелері екенін көрсете білді.

       Ұстаздар мен оқушылардың үлкен дайындығының бір көрінісі ретінде «Абай жаққан бір сәуле сөнбеу үшін...» атты жоғары сынып оқушылары арасында ұйымдастырылған драмалық қойылымдар сайысын атауға болады. Сайыс барысында 9 А және В сынып оқушылары «Оқудан оралу», 10 В сынып оқушылары «Абайдың он жетінші қарасөзі», 11 А сынып оқушылары «Абай мен Тоғжан», 10 Е сынып оқушылары «Ескендір», 11 В сынып оқушылары «Абай жолы», 10 А сынып оқушылары «Абайдың соңғы күндері» қойылымдарын сахналады. Қойылымға қатысушы оқушылардың өз рөлдерін алып шығуға деген ынта-ықыластары, сахнаға деген, Абай өмірі мен шығармашылығына деген құрметтері, сахналық образдары көрермен көңілінен шығып, қазылар алқасының әділ бағасына ие болды.

       Оқушыларға тың серпін берген «Абай сөзі – қазақтың бойтұмары» атты апталықтың жабылу салтанатында жүлделі орындарға ие болған оқушылар мақтау қағаздарымен марапатталып, жүлдегер оқушылар өз өнерлерін ортаға салды. Сонымен бірге, қазақ тілі және әдебиеті пәнінің мұғалімі Қонарбаева Айнұр мен 6-сынып оқушылары «Абайға арнау» өлеңдерін оқыды. «Абай әлеміне саяхат» танымдық клубының рухани орталығы өз жұмысын одан әрі жалғастыра бермек.  

«№23 жалпы білім беру орта мектебі» КММ

қазақ тілі және әдебиеті пәнінің мұғалімі

Таңбаева Орынгүл Нұрқожақызы

 

Жарияланған күні: 21-11-2018  



30-09-2019  

«ҚР халқының Тілдері күні» мерекесі өткізілді


11-09-2019  

«№23 жалпы білім беру орта мектебі» КММ-де өткізілген бүкілқазақстандық диктант бойынша саралау

icon

25-04-2019  

«Бастауышым - бал бұлағым»

icon

15-04-2019  

Мамыр айына іс-жоспарлары

icon

15-02-2019  

«Абай әлеміне саяxат» клубының салтанатты ашылуына дайындық.

icon   №23 жалпы білім беру орта мектебінде 2018 жылдың қазан айынан бастап «Абай әлеміне саяxат» клубы өз жұмысын жүргізуде. Клубтың негізін қалаушы – ҚР еңбек сіңірген қайраткері, жазушы, ақын, сәулетші, этнограф Сайын Назарбекұлы. 

10-01-2019  

Қаржыландыру 2019 жыл


26-11-2018  

«Жаңартылған білім мазмұны – білім сапасының негізі» тақырыбында педагогикалық кеңес – тренинг өтті.

icon24 қараша күні «№23 жалпы білім беру орта мектебі» КММ – де «Жаңартылған білім мазмұны – білім сапасының негізі» тақырыбында педагогикалық кеңес – тренинг  өтті. 

21-11-2018  

Абай сөзі – қазақтың бойтұмары.

iconАқтау қаласындағы №23 жалпы білім беретін орта мектебінде 2018 жылдың қыркүйек айынан бастап ақын, сәулетші, Қазақстанның еңбек сіңірген қайраткері, Махамбет атындағы халықаралық сыйлықтың лауреаты, Маңғыстау облысының Құрметті азаматы, Қазақстан Сәулетшілер Одағының және Қазақстан Жазушылар Одағының мүшесі Сайын Назарбекұлының бастамасымен «Рухани жаңғыру» бағдарламасы аясында республикалық деңгейде құрылған «Абай әлеміне саяxат» танымдық клубының рухани орталығы өз жұмысын бастады.  

04-10-2018  

2018 жылға арналған қаржыландыру және оны дамыту.

icon2018 жылға арналған қаржы және оны дамыту №23 орта мектепте.   

27-09-2018  

Республиканская родительская конференция

icon7 сентября 2018 г. в нашей школе № 23 прошла Республиканская родительская конференция "Казахстанские родители XXI века: стань примером своему ребенку".  

Соңғы жаңалықтар

«Абай әлеміне саяxат» клубының салтанатты ашылуына дайындық.

  №23 жалпы білім беру орта мектебінде 2018 жылдың қазан айынан бастап «Абай әлеміне саяxат» клубы ө ...

15 ақпан 2019